تأسيس التكييف الاسبليت هى عبارة عن عملية تشبه تأسيس السباكة وتأسيس الكهرباء من حيث تكسير محارة الحوائط ودفن المواسير داخل الحوائط لكن يزيد على هذا دفن نوع تانى من المواسير وهى مواسير تبريد التكييف المصنوعة من النحاس النقى والتي توصل الهواء البارد ما بين الوحدة الخارجية والداخلية.
ثانى جزء من اجزاء التكييف هو الوحدة الخارجية وهذه لازم نعمل لهل حساب لانها تكون متركبة فى مكان بعيد تماما عن اى جزء من الغرفة زى البلكونة او المنور لأنها تصدر اصوات وينتج عنها اهتزازات تختلف من كل نوع للثانى لذلك ننصح بوضع قطعة من الفوم تحتها بينها وبين الحامل المعدني لدعمها لتقلل من الاهتزازات وهى شغالة.
من أهم النقاط الواجب مراعاتها أثناء تركيب الوحدة الخارجية أن يكون قدامها مسافة كافية لتحريك الهواء الساخن الناتج عن تبريد الكمبريسور الداخلى على الاقل 60 سم من امام المروحة لطرد الهواء الساخن و 30 سم من خلف المروحة عشان دائرة التهوية تشتغل بشكل سليم بلا اى اعطال.
هناك مجموعة نقط كثير نراعيها أثناء مرحلة تأسيس التكييف الاسبليت من ضمنها بالنسبة للوحدة الخارجية مقاسات الوحدة الخارجية عشان نشوف تتناسب معها او لا.
مواسير صرف المياه فى نظام تأسيس التكييف الاسبليت
فيه نقطة مهمة جدا أثناء تأسيس التكييف الاسبليت وتحديدا فى تركيب ماسورة الصرف نعمل لها اختبار قبل مرحلة الفنش وتغطية الحيطة بالمحارة وده إجراء تتبعه مؤسسة اختيار الشرق عند تركيب التكييفات لضمان عدم تسرب اى كمية مياه .
توصيل تمديدات الكهرباء فى تأسيس التكييف الاسبليت
زى اى جهاز كهربائى لازم يكون فيه عندك كابلات لتغذية التكييف بالكهرباء ودى من الحاجات اللى بنعمل لها حساب أثناء عمليات تأسيس التكييف الاسبليت هتكسر جزء من الحيطة لتمديد خراطيم الكهرباء اللى يتم فيها تمديد الكابل المناسب اللى هيشغل الجهاز بعد كده.
يفضل ان تخصص كهرباء التكييف على مفتاح اتوماتيك مستقل لا يحمل على نفس المفتاح المخصص للغرفة اذا حصل اى مشكلة زى شورت كهربائي مثلا او حصل عطل ومحتاج صيانة تقدر تفصل براحتك بدون ما تطفى الاضاءة وباقى أجهزة المكان اللى انت موجود فيه.
مواسير التبريد فى تأسيس التكييف الاسبليت
هنا نقط مهمة جدا منها شكل المكان وأسباب ضعف التبريد في جهاز التكييف وهى مواسير التبريد الخاصة بالتكييف و التي نراها فى الأماكن غير المخططة من البداية ونجدها عبارة عن مواسير نحاس مع كابلات كهرباء ملفوفين بشريط لاصق واصلين من الوحدة الخارجية للوحدة الداخلية لتوصيل الهواء الخاص بالتبريد وهو غالبا بيكون غاز التبريد. حتى يكون شكل بيتك أو مكتبك انيق مينفعش ابدا تكون المواسير دى ظاهرة فى الخارج بالشكل ده لأنها بالاضافة لذلك خطر جدا لان لو حصل اى صدمة للمواسير دى او اتخبطت بأي طريقة ممكن تسرب غاز التبريد وده ملوث جدا للبيئة وكمان هيقلل العمر الافتراضي للتكييف لأن غاز التبريد بيتسرب للخارج مش بتستفيد منه فى تبريد المكان.
مكان تركيب مواسير التبريد
عشان تعمل تأسيس التكييف الاسبليت بشكل صح لازم تكون المواسير دى مدفونة داخل الحيطة مع مراعاة انها تكون باقل مسافة ممكنة وهنا نخلى المسافة بين الوحدة الخارجية والداخلية قريبة عشان متجبرش جهاز التكييف انه يشتغل لفترة أطول فترة ممكنة وبكامل قوته عشان يقدر يبرد المكان وده هيقصر عمر التكييف الافتراضي لانه كده هيشتغل فترات كثير لكن لو بقت مسافة المواسير اقل يعطى فرصة للتكييف انه يفصل.
من النقاط المهمة جدا اللي لازم تراعيها أثناء عملية تأسيس التكييف الاسبليت هى ان ميكونش فيه انحناءات كثير فى الماسورة النحاس لتوصيل غاز التبريد بكل طاقته بالاضافة الى وجود الفوم العازل سليم ومش مقطوع من اى جزء فيه.
لو كنا مضطرين لتمديد مواسير النحاس الخاصة بالتبريد لمسافة طويلة تزيد عن 120 سم يبقى بنضيف دعم للماسورة كل 120 سم عشان تضمن انها تفضل مستوية معاك ميحصلش فيها انحناءات طول المسافة وهي ممدودة.